Սպիտակագլուխ անգղին սպանած քաղաքացիները ներկայացել են ոստիկանություն
Ոստիկանության Կապանի բաժնի ծառայողներն ուսումնասիրել են Econews կայքի սպիտակագլուխանգղի անօրինական որսի մասին հայտնող հրապարակումը և ձեռնարկել անհրաժեշտ բոլոր միջոցառումները տեղի ունեցածը պարզելու ու լուսանկարում պատկերված անձին հայտնաբերելու ուղղությամբ:
Բացատրական աշխատանքի արդյունքում նկարում պատկերված քաղաքացին և ևս մեկ անձ ներկայացել են ոստիկանություն, տվել բացատրություն:
Դեպքի հանգամանքները պարզվում են:
Նախապատրաստվում են նյութեր:
Ինչպես ավելի վաղ հայտնել էինքՙ Econews-ը տարածել էր ՙ«Ահազանգ. կրկին հազվագյուտ սպիտակագլուխ անգղ են որսացել» վերտառությամբ հոդված ու հրապարակել լուսանկար, որում պատկերած էր մի տղամարդ, ձեռքին` սատկած սպիտակագլուխ անգղ:
Անգղի հետ լուսանկարվածը Սյունիքի մարզի Կապան քաղաքի բնակիչ Սմբատ Հայրումյանն է, ով լուսանկարն ազատ համացանցային տարածք է բեռնել 2019թ.-ի փետրվարի 4-ին:
