НТВ-ի համահիմնադիր Մալաշենկոյի մահվան առթիվ Իսպանիայում քրգործ է հարուցվել

Իսպանիայում НТВ հեռուստաալիքի համահիմնադիր և նախկին գլխավոր տնօրեն Իգոր Մալաշենկոյի մահվան դեպքով քրեական գործ է հարուցվել: Այս մասին հայտնում է РИА Новости-ն` հղում կատարելով Քսենիա Սոբչակի նախընտրական շտաբում հանգուցյալի նախկին գործընկեր Տիմուր Վալեևին: «Այժմ քննարկվում են գործի վարման մանրամասները: Եթե գործը վարի Իսպանիայի ոստկանությունը, այդ ամենը (հրաժեշտի արարողությունն ու հուղարկավորությունը) կձգձգվի»,-ասել է Վալեևը: Նա նաև պատմել է, որ այս գիշեր Իսպանիա է ժամանել Մալաշենկոյի կինը՝ Բոժենա Ռինսկան, և արդեն գործի առնչությամբ զրուցել է ոստիկանության աշխատակիցների հետ: Հիշեցնենք, որ երեկ Իսպանիայում հայտնաբերվել էր մեդիամենեջերի դին: Նախնական տվյալներով՝ Մալաշենկոն ինքնասպանություն է գործել: