«Օսկար 2019».Որ ֆիլմերը և ովքեր արժանացան մրցանակի այս տարի
Այս գիշեր Լոս Անջելեսի «Dolby» թատրոնում անցկացվեց Ամերիկյան կինոակադեմիայի 91-րդ «Օսկար» մրցանակաբաշխության արարողությունը։ Հիմնական անվանակարգում ներկայացված էր երկու ֆավորիտ ֆիլմ՝ Փիթեր Ֆարելիի «Կանաչ գիրքը» տրագիկոմեդիան եւ մեքսիկացի Ալֆոնսո Կուարոնի իսպանալեզու «Ռոմա» դրաման։
«Առաջին պլանի լավագույն դերասան» անվանակարգում հաղթող է ճանաչել Ռամի Մալեքը «Բոհեմական ռապսոդիա» ֆիլմի համար։
Ֆրեդի Մերկուրիի մասին պատմող կենսագրական ֆիլմը՝ «Բոհեմական ռապսոդիա»-ն, մրցանակ է նաև երկու տեխնիկական անվանակարգում՝ «Լավագույն մոնտաժ» եւ «Լավագույն ձայնային մոնտաժ»:
«Լավագույն կոստյումներ» անվանակարգում «Օսկար»-ի արժանացել է Marvel-ի «Սեւ հովազը»:
«Լավագույն գրիմ եւ սանրվածքներ» անվանակարգում մրցանակի են արժանացել Գրեմ Քենոմը, Քեյթ Բիսկոն եւ Պատրիցիա Դեխանին, ովքեր «Իշխանություն» ֆիլմում աշխատել են Քիստիան Բեյլի կերպարի վրա:
«Լավագույն օպերատորական աշխատանք» անվանակարգում մրցանակի է արժանացել Ալֆոնսո Կուարոնի «Ռոմա» ֆիլմը։
«Լավագույն ադապտացված սցենար» անվանակարգում «Օսկար»-ի է արժանացել «Կլանի սեւ անդամը» ֆիլմի նկարահանող թիմը։
Լավագույն դերակատարման համար մրցանակի է արժանացել Օլիվիա Քոլմանը շատերին գրաված «Ֆավորիտուհին» ֆիլմի համար։
