«Լուսավոր Հայաստանն» ու ԲՀԿ-ն կմասնակցե՞ն Փաշինյանի նախաձեռնած երթին
Քանի որ նիստ չենք ունեցել, չենք քննարկել՝ մասնակցելո՞ւ ենք մարտի 1-ին վարչապետ Նիկոլ Փաշինյանի նախաձեռնած քաղաքացիական երթին, թե ոչ, Aysor. am-ի հետ զրույցում ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը։
Նա միաժամանակ հիշեցրեց, որ յուրաքանչյուր տարի «Լուսավոր Հայաստան» կուսակցության անդամները, ավանդույթի համաձայն, Մարտի 1-ի զոհերի հիշատակին ծաղիկներ են խոնարհում Ալեքսանդր Մյասնիկյանի արձանի մոտ։
«Կարծում եմ՝ այս տարի ևս նույնը կանենք։ Մեկ անգամ է եղել, որ քարոզարշավի մեջ ենք եղել, «Ելք» դաշինքի ժամանակ երթ ենք արել։ Կքննարկենք», - ասաց պատգամավորը։
ԱԺ «Բարգավաճ Հայաստան» խմբակցության պատգամավոր Միքայել Մելքումյանը ևս լրատվամիջոցի հետ զրույցում նշեց, որ մարտի 1-ի երթին մասնակցել-չմասկացելու հարցը դեռ չեն քննարկել։
