Դա չի նշանակում «հրաժարվել եմ» հորիցս․Տիգրան Մազմանյանը՝ հոր հացադուլ հայտարարելու մասին
Քաղակտիվիստ Տիգրան Մազմանյանը ֆեյսբուքյան իր էջում գրել է. «Ես տեղեկացրել եմ հորս հացադուլի հետ կապված հարցերով ինձ չդիմել, բայց դա չի նշանակում «հրաժարվել եմ» Հորիցս։
Թերևս ես այն երջանիկներից եմ, ում ծնողներն անսահման հայրենասեր, նվիրված, օրհասական պահին Հայրենիքի համար զենք վերցրած, գաղափարական առաջամարտիկներ են։
Մի փորձեք հարցը տանել քաղաքական դաշտ և ֆեյսբուքյան դատավարություն սկսել։
Հավատում եմ, որ իշխանությունները հարցը կլուծեն օրինականության սահմաններում։
Հորս մոտ էի, զրուցեցինք տարատեսակ թեմաների շուրջ, համոզվեցի որ առողջական վիճակը լավ է և հաջողություն մաղթեցի»:
Հիշեցնենք, որ ի աջակցություն հացադուլ հայտարարած կինոռեժիսոր Հովհաննես Գալստյանի՝ հացադուլ է հայտարարել նաև ազատամարտիկ, պատերազմի հաշմանդամ Մհեր Մազմանյանը։
