ՏԵՍԱՆՅՈՒԹ. Մարիխուանա ծխողները շատ բարի են. Բերման ենթարկված հաղորդավարը կոչ է արել Վրաստանի օրինակին հետևել
Հանրային հեռուստաընկերության հաղորդավար Արման Մարգարյանը ֆեյսբուքյան իր էջի ուղիղ եթերում պարզաբանել է երեկ մամուլում տարածված տեղեկություններն այն մասին, որ իրեն բերման են ենթարկել՝ թմրանյութ օգտագործելու եւ պահելու կասկածանքով:
Հաղորդավարն իր եթերը վերնագրել էր «Սեր բոլորին»:
Մարգարյանը խոստացել է պարզել, թե ինչպես էր սկզբնաղբյուր կայքի մոտ հայտնվել այդ անձնական ինֆորմացիան:
«Ես դեմ եմ այն ձեւակերպմանը, որ ովքեր ծխում են մարիխուանա, ուրեմն թմրամոլ են, եւ դեմ եմ, որ այդ մարդկանց բռնում են հանցագործների պես: Սիրելիներս, ո՞ր դարում եք ապրում, 21-րդ դարն է, ամբողջ աշխարհում նորմալ բան է դա, ամբողջ աշխարհում արդեն բյուջե են լցնում դրանով: Գոնե Վրաստանի օրինակին հետեւեք ու հանցագործներ, թմրամոլներ մի համարեք այդ մարդկանց: Հավատացեք, ալկոհոլ օգտագործող մարդիկ ավելի վտանգավոր են հասարակության համար:
Մարդիկ, ովքեր մարիխուանա են ծխում, շատ բարի են ու միշտ ժպտում են»,-եզրափակեց հաղորդավարը:
