Ռուսաստանում բիլիարդի երիտասարդական հավաքականի հայուհին պարտության է մատնել տղամարդկանց
ՌԴ Կեմերովոյի մարզում Հայրենիքի պաշտպանի օրվան և քաղաքի 300-ամյակին նվիրված Պրոկոպևսկի բիլիարդի XXII մրցաշարին մասնակցել է երկու թիմ՝ վետերանների հավաքականն ու երիտասարդական հավաքականը:
Մրցաշարն անցկացվել է միակ աղջկա մասնակցությամբ: Խոսքը Կուզբասի երիտասարդական խորհրդարանի անդամ Դարյա Սահակյանի մասին է, որը մեկը մյուսի հետևից հաղթել է տղամարդկանց: Դարյան 27 Плюс հեռուստառադիոընկերությանը տված հարցազրույցում հայտնել է, որ խաղում է 6 տարեկանից:
«Ստիպված եմ լինում միշտ խաղալ տղամարդկանց հետ, քանի որ կանայք բիլիարդում այնքան էլ շատ չեն», - ասել է նա:
Մրցաշարի արդյունքներով հաղթանակ են տարել վետերանները:
