Վրաստանը ռուսական գազի կարիքն ունի

Վրաստանի իշխանությունները բանակցություններ են վարում ռուսական գազ գնելու շուրջ։ Այս մասին հայտնում է «Վզգլյադ» պարբերականը` հավելելով, որ այնուամենայնիվ վրացական կողմը չի կարծում, թե համաձայնությունը ռուսների հետ հեշտությամբ ձեռք կբերվի: Վրացական իշխանությունների կարծիքովՙ ռուսական մատակարարի հետ բանակցությունները հնարավորություն կտան պահպանել էներգետիկ անկախությունն ու անվտանգությունը, ինչպես նաեւ իրականացնել դիվերսիֆիկացիա։ Հիշեցնենք, որ Վրաստանը Ռուսաստանից արդեն իսկ գազ ստանում է։ Խոսքը Հայաստանին մատակարարվող գազի 10 տոկոսի մասին է, որը ստանում է Վրաստանը որպես տարանցման վճար, սակայն մեկ տարի առաջ որոշվել է, որ ոչ թե գազն է վերցնելու Թբիլիսին, այլ տարանցման վճարը՝ գումարային տեսքով։ Ավելի վաղ հաղորդվել էր, որ Վրաստանի գազասպառման ողջ ծավալը լրացվում է Ադրբեջանի մատակարարմամբ։