Ազգայն ժողովում կառավարության ծրագրի քննարկման ժամանակ «Լուսավոր Հայաստան» խմբակցության պատգամավոր Սրբուհի Գրիգորյանին հետաքրքրում էր վթարային շենքերում բնակչության անվտանգության հարցը։ «Հարցս վերաբերում է բնակչության անվտանգությանը, բայց ոչ թե արտաքին թշնամու հետ կապված, այլ մեր անտարբերության։ Այս հարցը, ինչպես ժողովուրդն է ասում, բարձրացրել եմ և՛ Լենինի ժամանակ, և՛ Ստալինի ժամանակ, բայց լուծում չի գտել», - կատակեց պատգամավորը, ինչին ի պատասխան՝ Նիկոլ Փաշինյանն ասաց. «Շատ լավ տեսք ունեք»: