Մանվել Գրիգորյանի գործով նորություններ կան
ՀՀ Վերաքննիչ քրեական դատարանում այսօր շարունակվեց ԵԿՄ վարչության նախկին նախագահ Մանվել Գրիգորյանի գործով դատական նիստը: Գրիգորյանի փաստաբաններից Արսեն Մկրտչյանը լրագրողներին տեղեկացրեց, որ դատարանը մերժել է դատավոր Արսեն Նիկողոսյանին ներկայացված ինքնաբացարկի միջնորդությունը, սակայն որևէ մեկնաբանություն չտվեց:
Հիշեցնենք, որ Մանվել Գրիգորյանին մեղադրանք է առաջադրվել Քրեական օրենսգրքի 235-րդ հոդվածի 2-րդ մասով՝ ապօրինի կերպով ռազմամթերք ձեռք բերելու եւ այլ անձանց հետ նախնական համաձայնությամբ պահելու համար, ինչպես նաև քրեական օրենսգրքի 179-րդ հոդվածի 3-րդ մասի 1-ին կետով՝ մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակելու համար:
