Նոյեմբերի 2-ի գործով Շիրինյան եղբայրներին կանչել են հարցաքննության. ՙԺողովուրդ՚

Նոյեմբերի 2-ին` ոստիկանության աշխատակիցները Հանրապետության եւ Բուզանդի փողոցների խաչմերուկում վիճաբանության մասին ահազանգ էին ստացել ու դեպքի վայրից բերման էին ենթարկել չորս անձի` կանխելով վիճաբանության հնարավոր ողբերգական հետեւանքները: Այսքանով իրավապահների բացահայտումը չէր ավարտվել. դեպքի վայրի զննությամբ եղեւնու տակ հայտնաբերվել էր հրազեն, որն իրավապահներն առգրավել էին. ՙԱտրճանակի օրինականությունը ճշտվում է, տիրոջ ինքնությունն էլ պարզվում է: ՙԺողովուրդ՚ օրաթերթին այդ միջադեպի վերաբերյալ որոշ մանրամասներ են հայտնի դարձել: Մասնավորապես, կրակոցների կիզակետում է եղել ՙՌոսնեֆտ՚ ՍՊԸ-յան տնօրեն Ներսես Շիրինյանը: Զենքը, որից այդ օրը հնչել էր կրակոցը, ժամանակին նվիրել է Լեռնային Ղարաբաղի նախկին նախագահ Արկադի Ղուկասյանը: Թե ում է Ղուկասյանը նվիրել, չի հաջողվել պարզել: Սակայն Քննչական կոմիտեից հերքել են, որ Ներսես Շիրինյանը կապ ունի տեղի ունեցած միջադեպի հետ: Օրաթերթին հայտնի է դարձել, որ Շիրինյան եղբայրներին իրավապահները կանչել են հարցաքննության: