Քոչարյանին ազատ արձակած Ալեքսանդր Ազարյանը ճանաչվել է լավագույն դատավոր
2018 թվականին Հայաստանի լավագույն դատավոր է ճանաչվել ՀՀ վերաքննիչ քրեական դատարանի դատավոր Ալեքսանդր Ազարյանը։ Այդ մասին հայտնում է «HelpCourt» համակարգի հիմնադիր, փաստաբան Լևոն Սահակյանը։
Ալեքսանդր Ազարյանի նախագահությամբ Վերաքննիչ քրեական դատարանը օգոստոսի 13-ին ազատ արձակեց Հայաստանի երկրորդ նախագահ Ռոբերտ Քոչարյանին` բեկանելով առաջին ատյանի դատարանի կայացրած որոշումը:
«HelpCourt» համակարգի միջոցով ՀՀ փաստաբանների պալատի բոլոր փատաբանները հնարավորություն ունեն գնահատել դատավորներին, որի հիման վրա ռեյտինգավորում է կատարվում։
Ամենաբարձր գնահատված դատավոր Ալեքսանդր Ազարյանն ստացել է 86 ձայն։ Ամենացածր գնահատված դատավորը Երևանի ընդհանուր իրավասության դատարանի դատավոր Վաչե Մարգարյանն է, որը ստացել է 12 բացասական գնահատական։
Ուշագրավ է այն, որ երկու դատավորներն էլ անմիջական առնչություն ունեն ՀՀ երկրորդ նախագահ Ռոբերտ Քոչարյանի խափանման միջոցի հարցիի քննման հետ։
Ալեքսանդր Ազարյանը պարգևատրել է «Թափանցիկ ձեռք 2018» հուշանվերով։
