Ստեփանակերտում այսօր Ազնավուրի հրապարակում բողոքի ցույց է տեղի ունեցել «Ազատություն Քոչարյանին» խորագրով, որը կազմակերպել է Ռոբերտ Քոչարյանի աջակիցների միությունը: Այդ մասին հաղորդել է yerevan.today-ը: Ակցիայի մասնակիցները պահանջել են ՀՀ և ԼՂՀ նախկին նախագահ Ռոբերտ Քոչարյանին ազատ արձակել: «Եթե հարկ լինի, անգամ ոտքով Ստեփանակերտից կարող ենք հասնել Երևան, այդտեղ էլ ցույցեր անել, որպեսզի ազատենք Ռոբերտ Քոչարյանին»,- ասել է ցուցարարներից մեկը: