Վանեցյանը չի կարող լինել փոխվարչապետ․ Լևոն Բարսեղյան

«Բազմաթիվ այլ մարդիկ կարող են լինել փոխվարչապետ, սակայն ոչ Վանեցյանը, ոչ մեկը ԱԱԾ, ոստիկանական, ՀՔԾ եւ այլ իրավապահ համակարգերից չեն կարող լինել նոր Հայաստանի փոխվարչապետ», - այս մասին ֆեյսբուքյան իր էջում գրել է Ժուռնալիստների «Ասպարեզ» ակումբ ՀԿ-ի խորհրդի նախագահ Լևոն Բարսեղյանը։ Հիշեցնենք՝ «Իրավունք» թերթը գրել էր, թե իշխանական կուլիսներում լայնորեն շրջանառվում են խոսակցություններ, որ վարչապետի պաշտոնակատար Նիկոլ Փաշինյանն Ազգային ժողովի նախագահի պաշտոնը մտադիր է վստահել ՀՀ առաջին փոխվարչապետ Արարատ Միրզոյանին։ «վերջինիս այդ պաշտոնում կփոխարինի «Իմ քայլը» դաշինքի հետ բավական մերված ու ջերմ հարաբերություններ ստեղծած ԱԱԾ տնօրեն Արթուր Վանեցյանը՝ իր պաշտոնը զիջելով «Իմ քայլը» դաշինքով պատգամավոր ընտրված ՀՀ արտակարգ իրավիճակների նախարարի պաշտոնակատար Ֆելիքս Ցոլակյանին»,-ասվում էր հրապարակման մեջ։