Ֆրանսիայի վարչապետը կչեղարկի վառելիքի հարկի բարձրացումը

Ֆրանսիայի վարչապետ Էդուարդ Ֆիլիպը մտադիր է չեղարկել վառելիքի հարկերի բարձրացումը, ինչը ամբողջ երկրում զանգվածային անկարգությունների պատճառ էր դարձել։ Այս մասին հաղորդել է AFP-ն՝ հղում տալով կառավարական իր աղբյուրներին։ Ֆրանսիայում «Դեղին ժիլետների» ցույցերը շարունակվում են արդեն մի քանի շաբաթ։ Բախումներ են տեղի ունեցել վառելիքի հարկի բարձրացման դեմ բողոքող քաղաքացիների և ոստիկանական ուժերի միջև, ցուցարարներն այրել են մեքենաներ և պահանջել նախագահ Էմանուել Մակրոնի հրաժարականը։