«Արարատցեմենտի» տնօրեն կնշանակվի էկոնոմիկայի նախարարության աշխատակից, «Նոյ»-ն էլ կվերաբացվի. Պապոյան

«Քիչ հետո կգնամ և տնօրենի նշանակումը կկատարեմ՝ որպես կառավարիչ-տնօրեն։ Այստեղ օրենսդրությունն այլ կարգավորում է նախատեսում։ Կառավարումն ամբողջությամբ անցել է Էկոնոմիկայի նախարարությանը, և տնօրենը լինելու է նախարարության աշխատակից։

Մյուս հիմնարկների մասով ևս որոշումներ կլինեն։ Հավաստիացնում եմ՝ մենք պակաս շահագրգռված չենք, որ տնտեսական ակտիվներն ամբողջությամբ աշխատեն։ «Նոյը» կվերաբացվի։ Քննարկեցինք նաև խաղողի մթերման հարցը, քանի որ եթե գործարանը չաշխատի, մթերումների հետ կապված խնդիրներ կառաջանան»։,- նշել է Գևորգ Պապոյանը: