17:00 Լուրերը մեկ տողով. Ցեղասպանության ճանաչող բանաձևի հետաձգում. Թրամփի հարվածի սպառնալիքը

Անցած ժամվա լուրերը՝ հակիրճ և բովանդակային.

•Իսրայելի կառավարությունը հետաձգել է Հայոց ցեղասպանությունը ճանաչող բանաձևի խորհրդարանական քվեարկությունը մինչև հոկտեմբերին կայանալիք ազգային ընտրությունները. հայտնում է JNS-ը:

•Մալաթիա-Սեբաստիա վարչական շրջանի նոր ղեկավար է նշանակվել Սաշա Կատվալյանը, ով մինչ այդ գլխավորում էր աղբահանության համայնքային հիմնարկը:

•Հասարակական կազմակերպության ղեկավարը քաղաքական հետապնդում է որակել վարչապետի հետ վիճաբանած բժշկուհու աշխատանքից ազատումը հաստիքի կրճատման պատճառաբանությամբ:

•ԲՀԿ առաջնորդ Գագիկ Ծառուկյանի փաստաբանը հայտնել է քաղաքական գործչին պատկանող ձիերի առգրավման հնարավոր կրկնակի փորձի մասին:

•Պատշգամբից երեխայի վայր ընկնելու ողբերգական դեպքից հետո Առողջապահության նախարարությունը ծնողներին կոչ է արել խստորեն պահպանել անվտանգության կանոնները:

•ԱՄՆ նախագահ Դոնալդ Թրամփը հայտարարել է Հորմուզի նեղուցը վերահսկողության տակ վերցնելու և Իրանին հզոր հարվածներ հասցնելու մտադրության մասին:

•Ռուսաստանը և Ուկրաինան հայտնել են նոր փոխադարձ հարվածների մասին, որոնց ընթացքում թիրախավորվել են ռազմական օբյեկտներ, ենթակառուցվածքներ և խոցվել հարյուրավոր ԱԹՍ-ներ:

•Թռիչքների անվտանգության ապահովման նպատակով ժամանակավոր սահմանափակումներ են մտցվել Գելենջիկի և Կրասնոդարի օդանավակայանների աշխատանքում: