Վանաձորն ու Փամբակը նախատեսվում է միավորել մեկ համայնքի մեջ
Տարածքային կառավարման և ենթակառուցվածքների նախարարի տեղակալ Առնակ Ավետիսյանը և Լոռու մարզպետի տեղակալ Արսեն Ղարիբյանը հուլիսի 10-ին ներկա են գտնվել մարզպետի աշխատակազմում կազմակերպված հանրային քննարկմանը, որտեղ արծարծվել են «Հայաստանի Հանրապետության վարչատարածքային բաժանման մասին» օրենքում փոփոխություններ և «Տեղական ինքնակառավարման մասին» օրենքում լրացումներ կատարելու վերաբերյալ նախագծերը:
Մարզպետարանի փոխանցմամբ՝ հանդիպման առանցքային թեման Վանաձոր համայնքի ձևավորման նոր ծրագիրն էր: Այն ենթադրում է Վանաձոր և Փամբակ համայնքների միավորում, ինչի արդյունքում կստեղծվի մեկ միասնական համայնք՝ իր մեջ ներառելով 22 բնակավայր:
Միջոցառմանը մասնակցում էին մարզպետի աշխատակազմի պատասխանատուներ, համայնքների ու վարչական բնակավայրերի ղեկավարներ, ինչպես նաև հասարակական կազմակերպությունների, լրատվամիջոցների և քաղաքացիական հասարակության ներկայացուցիչներ:
ՏԿԵ նախարարի տեղակալ Առնակ Ավետիսյանն ու Լոռու մարզպետի փոխտեղակալ Արսեն Ղարիբյանը ներկաներին ծանոթացրել են օրենսդրական փոփոխությունների հիմնական կետերին: Նրանք մատնանշել են, որ խոշորացման միտումը առավել արդյունավետ ու կենսունակ համայնքների ստեղծումն է:
Պաշտոնատար անձանց ձևակերպմամբ՝ այս միավորումը թույլ կտա օպտիմալ կերպով տնօրինել եղած ռեսուրսները, ընդլայնել համայնքային կարողություններն ու բարելավել բնակիչներին մատուցվող ծառայությունների մակարդակը:
Քննարկման ընթացքում ներկաները հղել են իրենց հետաքրքրող հարցերը, ինչպես նաև հանդես եկել առաջարկներով ու համապատասխան դիտարկումներով:
Նմանատիպ հոդվածներ
Ավելին Հասարակություն բաժնից
Թբիլիսիում 15-ամյա տղային դանակահարել են ադրբեջաներեն խոսելու պատճառով
«Ուժեղ Հայաստան» կուսակցության ներկայացուցիչն այցելել է Սիս և Նիզամի համայնքներ
Կիևի վրա գիշերային հարձակման հետևանքով տուժել է 10 մարդ, այդ թվում՝ երեխա
