ԵՊՀ-ն չի երկարացրել միջազգային հարաբերությունների ֆակուլտետի 2 դասխոսների պայմանագրերը

Համալսարանը չի երկարացրել աշխատանքային պայմանագրերը մեր ֆակուլտետի ևս երկու դասախոսի՝ ք․գ․թ․, դոցենտ Ալեն Ղևոնդյանի և ք․գ․դ․, պրոֆեսոր Խաչիկ Գալստյանի հետ։ Այս մասին գրել է ԵՊՀ դասախոս Նարեկ Գալստյանը:



«Խաչիկի նկատմամբ 6 ամսից ավել շարունակվում, իսկ Ալենի նկատմամբ՝ մի ամիս ընթանում են դատական գործեր։ Սա էլ անսպասելի չէր, բայց, միևնույնն է, անակնկալ էր ու ցավոտ։

20 տարուց ավել այս մարդիկ եղել են մեր ֆակուլտետի դրոշակակիրները՝ վայելելով գործընկերների հարգանքը և ուսանողների սերը։ Իսկապես վաստակել են։

Ես նաև պատիվ ունեմ լինելու նրանց ընկերը։ Զորակցությունս իմ ու ընտանիքիս հին ընկերներին։ Արդարությունը վերականգնվելու է»,- գրել է նա: