ՏԵՍԱՆՅՈՒԹ. Փաշինյանը կոչ է արել տնտեսվարողներին հարմարվել արտահանման նոր պայմաններին

Հայաստանը պետք է հնարավորինս դիվերսիֆիկացնի արտահանման ուղղությունները՝ մեկ շուկայից կախվածությունը նվազեցնելու համար։ Այս մասին կառավարության նիստի ժամանակ հայտարարել է վարչապետ Նիկոլ Փաշինյանը։

Նիստի ընթացքում Էկոնոմիկայի նախարար Գևորգ Պապոյանը ներկայացրել է արտահանման ուղղությունների վերաբերյալ տվյալներ։

Նրա խոսքով՝ հայկական միրգն արտահանվում է 15 երկիր, ծաղիկները՝ 25 երկիր, իսկ բանջարեղենը՝ 8 երկիր։

Փաշինյանը նշել է, որ արտահանման շուկաների ընդլայնմանը զուգահեռ անհրաժեշտ է, որպեսզի նաև տնտեսվարողները հարմարվողականություն ցուցաբերեն և կարողանան արձագանքել փոփոխվող պայմաններին։

«Մենք արտահանումները մաքսիմալ դիվերսիֆիկացնենք, որպեսզի կախվածություն չունենանք»,- ասել է վարչապետը։