ՏԵՍԱՆՅՈՒԹ. Մանկապարտեզներում հայտնաբերված խնդիրների պատճառով տնօրենին հրահանգել եմ ազատվել աշխատանքից. Փաշինյան

Վարչապետ Նիկոլ Փաշինյանը հայտնել է, որ չնախատեսված այցեր է կատարել նորակառույց մանկապարտեզներ և արձանագրել մի շարք խնդիրներ։

Նրա խոսքով՝ այցերի ընթացքում ականատես է եղել, որ որոշ մանկապարտեզների սանհանգույցներում առկա են եղել ոչ պատշաճ պայմաններ։

«Սանհանգույցում զուգարանակոնքի վրադիրները կոտրված են եղել և ոչ հիգիենիկ վիճակում են գտնվել»,- նշել է Փաշինյանը։

Վարչապետը հայտնել է, որ այդ դեպքի կապակցությամբ հրահանգել է տվյալ մանկապարտեզի տնօրենին ազատվել աշխատանքից։

Փաշինյանն ընդգծել է, որ նորակառույց հաստատություններում նման իրավիճակներն անընդունելի են, և պատասխանատուները պետք է պատասխանատվություն կրեն։