ՏԵՍԱՆՅՈՒԹ. Դավիթ Իշխանյանը Բաքվի բանտից ուղերձ է հղել․ «Սա հայ ժողովրդի և հայոց պետականության դեմ բացված դատ է»

ՀՅԴ Բյուրոյի անդամ Դավիթ Իշխանյանը Բաքվի բանտից ուղերձ է հղել՝ անդրադառնալով իր նկատմամբ իրականացվող դատավարությանը։

Նա նշել է, որ իրենք դիմել են վերաքննիչ դատարան՝ հետագայում Եվրոպական դատարան դիմելու հնարավորություն ունենալու համար։

«Սա էթնիկ պատկանելիության հիմքով դատավարություն է։ Ադրբեջանի դատարանը մարդու իրավունքների խախտումներ է արել»,- ասել է Իշխանյանը։

Նրա խոսքով՝ գործը ոչ թե պարզապես «կարված», այլ «կարկատան» գործ է։

«1993 թվականին ծնված անձին վերագրում են 1994 թվականի ռազմական գործողությունների հետ կապված մեղադրանքներ և դատապարտում 15 տարվա ազատազրկման»,- նշել է նա։

Դավիթ Իշխանյանը հայտարարել է, որ այս գործընթացը համարում է «հայ ժողովրդի և հայոց պետականության դեմ բացված դատ»։