20:00 Լուրերը մեկ տողով. Կարապետյանի տնային կալանքը երկարաձգվեց, Մասկը տուգանվեց

Անցած ժամվա լուրերը՝ հակիրճ և բովանդակային.

• «Ուժեղ Հայաստան» կուսակցության առաջնորդ Սամվել Կարապետյանի տնային կալանքի ժամկետը դատարանի որոշմամբ երկարաձգվել է ևս 2 ամսով։ 

• Սամվել Կարապետյանը դատարանում հայտարարել է, որ իրեն առաջադրված մեղադրանքները անհիմն է համարում և չի հասկանում, թե ինչի համար է մեղադրվում։ 

• Կառավարությունը որոշում է ընդունել, որով աշխարհի չեմպիոն դարձած հաշմանդամություն ունեցող մարզիկները կստանան ցմահ պատվովճարի իրավունք։ 

• ԱՄՆ արժեթղթերի հանձնաժողովը Իլոն Մասկին 1,5 միլիոն դոլարով տուգանել է «Թվիթերի» բաժնետոմսերի ձեռքբերման մասին տեղեկությունները ուշ ներկայացնելու համար։ 

• Լեհաստանը հայտարարել է, որ ԱՄՆ-ի հետ քննարկում է Patriot հրթիռների արտադրության տեխնոլոգիաների փոխանցման և երկրում ամերիկյան մշտական զորակազմի ընդլայնման հնարավորությունը։ 

• Բարսելոնայում գրանցվել է վերջին 112 տարվա ամենաբարձր՝ 40.7°C ջերմաստիճանը, իսկ Արևմտյան Եվրոպայում շոգն ուղեկցվում է անտառային հրդեհներով։ 

• Ֆրանսիայում ծայրահեղ շոգի պատճառով կրկին դադարեցվել է Թուլուզի մերձակայքի ատոմակայանի ռեակտորներից մեկի աշխատանքը։ 

• Հայաստանում հուլիսի 10-14-ը Երևանում սպասվում է առանց տեղումների եղանակ, իսկ մարզերի մի մասում՝ կարճատև անձրևներ, ամպրոպ և ջերմաստիճանի բարձրացում։ 

• ՆԳՆ Կիբեռոստիկանությունը կրկին զգուշացնում է, որ խարդախները կեղծ «5G թարմացման» պատրվակով փորձում են հեռավար հասանելիություն ստանալ քաղաքացիների հեռախոսներին և հափշտակել գումարները։