15:00 Լուրերը մեկ տողով. Արարատցեմենտի» վերագործարկում, Թրամփի աղմկահարույց հայտարարություն

Անցած ժամվա լուրերը՝ հակիրճ և բովանդակային.

·   «Արարատցեմենտ» գործարանը վերսկսել է աշխատանքը, և աշխատակիցներն արդեն վերադարձել են իրենց աշխատատեղեր։ 

·   Կառավարությունը քննարկել է Առողջության համընդհանուր ապահովագրության բոնուսային միավորների հաշվարկման և վճարումների կարգը հաստատելու նախագիծը։ 

·   Նիկոլ Փաշինյանը հայտարարել է, որ «TRIP» նախագիծը միտված է Հայաստանի և տարածաշրջանի ապաշրջափակմանը և չունի որևէ գաղտնի նպատակ։ 

 
·  Փաշինյանը նշել է, որ Տիգրանաշենի և Արծվաշենի հարցերը կլուծվեն սահմանազատման գործընթացում, քանի որ դրանք արտացոլված են պաշտոնական քարտեզներում։ 

·   Կառավարությունը «Հրազդան» մարզադաշտի վերանորոգման նախագծային աշխատանքների համար հատկացրել է ավելի քան 63 միլիոն դրամ։ 

·   Դավիթ Իշխանյանը Բաքվի բանտից հայտարարել է, որ իր նկատմամբ իրականացվող դատավարությունը քաղաքական և էթնիկ շարժառիթներով է։ 

·   ՀՊՏՀ պրոռեկտոր Մխիթար Ասլանյանը հրաժարական է տվել, իսկ համալսարանում շարունակվում են ներքին լարվածությունն ու ստուգումները։ 

·   Ռեջեփ Թայիփ Էրդողանը ՆԱՏՕ-ի առաջնորդներին նվիրել է անվանական փորագրությամբ ատրճանակներ և մարտական փամփուշտներ։ 

·   Դոնալդ Թրամփը հայտարարել է, որ իր կյանքին սպառնացող վտանգը բարձր է և պնդել, որ Իրանի թիրախային ցուցակի առաջին տեղում է։ 

·   Կրեմլը հայտարարել է, որ Վաշինգտոնի վերջին հայտարարությունները չեն նշանակում Ուկրաինայի հարցում ԱՄՆ-ի վերադարձ էսկալացիայի քաղաքականությանը։