16:00 Լուրերը մեկ տողով. «Արարատցեմենտի» ճակատագիրը, Ծառուկյանի տան դեպքերը և ԱՄՆ-ի ռազմական գործողությունները

Անցած ժամվա լուրերը՝ հակիրճ և բովանդակային.

·  ՆԳՆ-ն հերքել է տեղեկությունը, թե Գագիկ Ծառուկյանի տանը կոկորդիլոսներից մեկը վնասել է փրկարարին՝ նշելով, որ նման դեպք չի գրանցվել։ 

·   Նիկոլ Փաշինյանը հայտարարել է, որ պետությունը կպաշտպանի Ծառուկյանի ընկերությունների աշխատակիցների իրավունքները, իսկ «Արարատցեմենտը» շուտով կդառնա պետական և կստանա կառավարիչ։ 

·   Փաշինյանը հայտարարել է, որ «Արարատցեմենտի» աշխատակիցների նկատմամբ ճնշում գործադրողները կազատվեն աշխատանքից՝ ընդգծելով, որ այս հարցում պատրաստ է կոշտ քայլերի։ 

·   Վարչապետը հայտնել է, որ Ծառուկյանի տանը քնեցումից հետո չարթնացած առյուծի մահվան դեպքով քննություն է նշանակվել, և մեղավոր լինելու դեպքում պատասխանատվություն կլինի։ 

·   Նիկոլ Փաշինյանը հայտարարել է, որ Ալեն Սիմոնյանի քաղաքական ճակատագրի հարց չկա, քննարկվում է միայն նրա հետագա ներգրավվածության ձևաչափը։ 

·   Էկոնոմիկայի փոխնախարարը հայտնել է, որ «Արարատցեմենտը» վաղվանից ամբողջական ռեժիմով վերսկսում է աշխատանքը։ 

·   Հակակոռուպցիոն դատարանը վարույթ է ընդունել նախկին նախարար Արամ Հարությունյանից Դիլիջանի 0,8 հա հողատարածքը պետությանը վերադարձնելու պահանջով դատախազության հայցը։ 

·   2026 թվականի սկզբին բնակարանների գներն ու վարձակալության ծախսերը շարունակել են աճել գրեթե ամբողջ Եվրոպայում, բացառությամբ Ֆինլանդիայի։ 

·   Մարիա Զախարովան հայտարարել է, որ Գերմանիան պետք է դադարեցնի, իր բնորոշմամբ, Կիևի միջոցով վարվող պատերազմը։ 

·   ԱՄՆ-ն հարված է հասցրել Իրանի հյուսիս-արևելքում գտնվող երկաթուղային կամրջին, որը Ռուսաստանի և Չինաստանի հետ կապող տրանսպորտային միջանցքի մաս է կազմում։ 

·   ԱՄՆ-ն հարվածներ է հասցրել նաև Իրանի Բուշերի ատոմակայանի հարակից մի շարք օբյեկտների, իսկ հետևանքների մասին պաշտոնական տվյալներ դեռ չեն հրապարակվել։