12:00 Լուրերը մեկ տողով. Գորիսի քաղաքապետը կմնա ազատության մեջ. Միջերկրական ծովի վտանգավոր բակտերիան

Անցած ժամվա լուրերը՝ հակիրճ և բովանդակային.

•Գորիսի քաղաքապետը կմնա ազատության մեջ. Հակակոռուպցիոն դատարանը մերժել է պրոբացիայի ծառայության միջնորդությունը Գորիսի համայնքապետի պատիժը փոխելու և նրան ազատազրկելու վերաբերյալ։

•Հասարակական-քաղաքական գործչի ձերբակալություն. «ՀայաՔվե» միավորման համակարգողը ձերբակալվել է քրեական վարույթի շրջանակում, ինչը նրա հարազատները որակում են որպես քաղաքական հետապնդում:

•ԵՄ դիվանագետների հետ հանդիպում. Էկոնոմիկայի նախարարը եվրոպացի գործընկերների հետ քննարկել է Հայաստանի տնտեսական դիմակայունության ամրապնդման և արտահանման ընդլայնման ծրագրերը։

•Ռազմավարական ճանապարհների նոր նախագիծ. Հայաստանի կառավարությունը և Եվրոպական ներդրումային բանկը հուշագիր են ստորագրել սահմանային անցակետերը կապող ճանապարհային ուղղությունների խորհրդատվական աջակցության մեկնարկի վերաբերյալ։

•Ռազմական նոր պոլիգոններ ԱՄՆ-ում. Պենտագոնը մտադիր է բացել Ուկրաինայի մարտական պայմանները նմանակող փորձարկման դաշտեր՝ ԱԹՍ-ների և ՀՕՊ համակարգերի կատարելագործման համար։

•Դիվանագետների սուր հակամարտություն. Ուկրաինայի նախագահը չի մասնակցի Լեհաստանում կայանալիք միջազգային համաժողովին՝ երկու երկրների ղեկավարների միջև ծագած քաղաքական տարաձայնությունների պատճառով։

•Իլոն Մասկի միլիարդները. Խոշորագույն պարբերականների հաշվարկներով՝ ամերիկացի գործարարի կարողությունը տատանվում է 957 միլիարդից մինչև 1.1 տրիլիոն դոլարի սահմաններում։

•Վտանգավոր բակտերիա Միջերկրական ծովում. Կլիմայական փոփոխությունների պատճառով Իսպանիայի մի քանի լողափերում արգելվել է լողալը՝ ջրում առողջության համար վտանգավոր մանրէների հայտնաբերման պատճառով։

•Փրկարարի առաքելությունը. ՆԳՆ փրկարար ծառայությունը տեսանյութ է հրապարակել ջրասուզակի բարդ աշխատանքի, հոգեբանական ապրումների և որոնողական գործողությունների մասին: