10:00 Լուրերը մեկ տողով. Կալանավորում, ծանր վթար, Իրան–ԱՄՆ գաղտնի բանակցություններ և Թրամփի նոր հայտարարություն

Անցած ժամվա լուրերը՝ հակիրճ և բովանդակային.

• Կալանավորվել է Կամո Գրիգորյանը, որը մեկ տարի հետախուզվում էր խուլիգանության և ապօրինի զենքի շրջանառության գործով։

• Արտենիի մոտ տեղի ունեցած վթարի հետևանքով հոսպիտալացվել է 11 մարդ, որոնցից երեքի վիճակը գնահատվում է ծայրահեղ ծանր։

• Իրանը հայտարարել է, որ ԱՄՆ-ի հետ բանակցություններում արձանագրվել է առաջընթաց՝ նավթի արտահանման սահմանափակումների թուլացման և տարածաշրջանային հարցերի շուրջ։

• ԱՄՆ-ն ու Իրանը Շվեյցարիայում շարունակել են բանակցությունները՝ քննարկելով նավագնացության անվտանգությունն ու տարածաշրջանային կայունության հարցերը։

• CNN-ի տվյալներով՝ Իրանի դեմ ռազմական գործողությունների հետ կապված Պենտագոնի ծախսերը գնահատվում են առնվազն 40 միլիարդ դոլար։

• Դոնալդ Թրամփը հայտարարել է, որ Մեծ Բրիտանիայի վարչապետ Քիր Սթարմերը կարող է հրաժարական տալ՝ քաղաքական ձախողումների պատճառով։

• Վոլոդիմիր Զելենսկին մեղադրել է Լեհաստանի նորընտիր նախագահ Կարոլ Նավրոցկուն հակաուկրաինական տրամադրություններ խթանելու մեջ։