Շախմատիստ Վաչե Հովակիմյանը կիսում է առաջատարի հորիզոնականները

Հայաստանի շախմատի ֆեդերացիայի փոխանցմամբ՝ շախմատի մինչև 18 տարեկան պատանեկան խմբում Վաչե Հովակիմյանը զբաղեցնում է համատեղ 1-2-րդ տեղերը։

Իտալիայի Մոնտեսիլվանո քաղաքում հունիսի 15-ից 26-ը ընթանում է 2026 թվականի շախմատի աշխարհի 14-18 տարեկան պատանիների ու աղջիկների առաջնությունը:

Մինչև 18 տարեկան պատանիների մրցաշարում ՖԻԴԵ-ի վարպետ Վաչե Հովակիմյանը վաստակել է 5.5 միավոր հնարավոր 6-ից և կիսում է 1-2-րդ հորիզոնականները:

Մինչև 14 տարեկան պատանիների պայքարում ՖԻԴԵ-ի վարպետ Տիգրան Համբարձումյանը 5 միավորով զբաղեցնում է համատեղ 2-րդ հորիզոնականը:

Հայաստանի բոլոր ներկայացուցիչների արդյունքները 6-րդ խաղափուլի ավարտից հետո ունեն հետևյալ տեսքը՝ Վաչե Հովակիմյան՝ 5.5 միավոր (Մ18) Տիգրան Համբարձումյան՝ 5 միավոր (Մ14) Բենիկ Ագասարով՝ 4 միավոր (Մ18) Ռուդոլֆ Փաշիկյան՝ 4 միավոր (Մ18) Վահե Սուքիասյան՝ 4 միավոր (Մ18) Տիգրան Սողոմոնյան՝ 4 միավոր (Մ16) Արտեմ Մամիկոնյան՝ 4 միավոր (Մ14) Անահիտ Մկրտչյան՝ 3.5 միավոր (Ա18) Նվարդ Հայրապետյան՝ 3.5 միավոր (Ա18) Սոնա Կրկյաշարյան՝ 3.5 միավոր (Ա16) Անգելինա Միրաքյան՝ 3 միավոր (Ա14) Գաբրիելա Հարությունյան՝ 2.5 միավոր (Ա14)

Վաղը հայտարարված է հանգստյան օր: Մրցաշարի 7-րդ խաղափուլը կսկսվի հունիսի 22-ին՝ Հայաստանի ժամանակով ժամը 17:00-ին: