17:00 Լուրերը մեկ տողով. Հարձակում՝ առևտրի կենտրոնում. միջազգային սկանդալներ

Անցած ժամվա լուրերը՝ հակիրճ և բովանդակային.

•Երևանի Սիսավան փողոցում տեղի է ունեցել կրակոցներով ուղեկցվող վիճաբանություն, որի հետևանքով չորս անձ հոսպիտալացվել է, իսկ մեկը՝ ձերբակալվել:

•Հայաստանում յոթ քաղաքական ուժ միաժամանակ վիճարկում է ընտրությունների պաշտոնական արդյունքները Սահմանադրական դատարանում, ինչը փորձագետները որակում են որպես համակարգային ճգնաժամ:

•Վարչապետի մասնակցությամբ Կոտայքի և Գեղարքունիքի մարզերում պաշտոնապես մեկնարկել է Էկոպարեկային ծառայության գործունեությունը՝ ուղղված շրջակա միջավայրի պահպանությանը:

•Եվրոպական խորհրդի նախագահը կոչ է արել ԵՄ անդամ երկրներին անհապաղ ուղիղ դիվանագիտական կապեր հաստատել Ռուսաստանի հետ՝ ապագա խաղաղության բանակցություններին մասնակցելու համար:

•Հունգարիայի նախագահը ստորագրել է Սահմանադրության փոփոխությունը, որը սահմանափակում է վարչապետի պաշտոնավարման ժամկետը և բացառում նախկին ղեկավարի վերադարձը:

•Նիգերի մայրաքաղաքի միջազգային օդանավակայանի և ռազմական օբյեկտի վրա զինված խմբավորումների հարձակման հետևանքով զոհվել է 35 մարդ:

•Ռուսաստանի Կրասնոդար քաղաքի առևտրի կենտրոններից մեկում երկու երիտասարդների դանակով հարձակման պատճառով մեկ կին է մահացել, չորսը՝ վիրավորվել:

•Իրանում երգչուհին և նրա թիմի անդամները դատապարտվել են 74 մտրակի հարվածի և աշխատանքային արգելքի՝ առանց հիջաբի առցանց համերգի պատճառով: