Կոնգոյում Էբոլայի բռնկումը խորանում է. 232 մարդ մահացել է

Կոնգոյում Էբոլա վիրուսով վարակվածների թիվը հասել է 896-ի, մահացածներինը՝ 232-ի, հայտնել է երկրի առողջապահության նախարարը։

Մահացության մակարդակը կազմում է մոտ 26%։

Միևնույն ժամանակ, 78 մարդ ապաքինվել է՝ երկու անընդմեջ բացասական թեստի արդյունք ստանալուց հետո։ Ներկայումս շուրջ 6 հազար շփման մեջ եղած անձ գտնվում է բժշկական հսկողության տակ։

Կոնգոյի առողջապահության նախարարը նշել է, որ հայտնաբերված դեպքերի աճը կարող է վկայել հակահամաճարակային միջոցառումների արդյունավետության մասին, քանի որ հաջողվել է բացահայտել նաև այն հիվանդներին, որոնք կարող էին դուրս մնալ համաճարակաբանական ծառայությունների ուշադրությունից։

Հիշեցնենք, որ Առողջապահության համաշխարհային կազմակերպությունը (ԱՀԿ) հունիսի 9-ին հաստատել էր Կոնգոյում Էբոլայով վարակման 550 դեպք և 101 մահ։ Վարակի հիմնական օջախը շարունակում է մնալ Իտուրի նահանգը, որտեղ գրանցվել է հիվանդների ընդհանուր թվի 94%-ը՝ 487 դեպք։