«Ավելի ուժգին ապտակ» կստանա. Իրանից զգուշացրել են ԱՄՆ-ին

Եթե ԱՄՆ-ը խախտի հուշագրի պայմանները կամ չափազանցված պահանջներ ներկայացնի, ապա «ավելի ուժգին ապտակ» կստանա, քան նախկինում, հայտարարել է Իրանի խորհրդարանի խոսնակ Մոհամմադ Բաղեր Ղալիբաֆը։

«Գերագույն առաջնորդի կողմից մեր առջև դրված խնդիրն է հասնել համաձայնագրի պայմանների և դրույթների կատարմանը։ Անբարեխղճության, պայմանագրի խախտման և հակառակ կողմի չափազանցված պահանջների դեպքում մենք առանց վարանելու ջախջախիչ պատասխան կտանք թշնամուն։ Մեկ անգամ պատերազմի ժամանակ նրանք ապտակ ստացան, եթե ցանկանան նորից գնալ այդ ճանապարհով, ապա էլ ավելի ուժգին ապտակ կստանան», — գրել է Ղալիբաֆը Իքս սոցիալական ցանցում։