Փաշինյանի կանխատեսո՞ւմը, թե՞ լատենտ ճգնաժամ. ինչ է կատարվում իրականում

 Խորհրդարանական ընտրություններից հետո ստեղծված իրավիճակը կարելի է բնորոշել որպես լատենտ քաղաքական ճգնաժամ, որն արտաքուստ հիշեցնում է Նիկոլ Փաշինյանի՝ ընտրություններից առաջ արած այն հայտարարությունը, թե քվեարկությունից հետո երկրում հետընտրական զարգացումներ ու ցնցումներ չեն լինի։ 

Սակայն, եթե իշխանության տեսանկյունից փողոցային պայքարի բացակայությունը կարող է մեկնաբանվել որպես այդ կանխատեսման իրականացում և հանրային համաձայնություն, ապա խորքային առումով պատկերն այլ է. ընդդիմության կողմից արդյունքները չընդունելը փաստում է, որ լեգիտիմության ճգնաժամը չի հաղթահարվել, պարզապես այն անցել է թաքնված փուլ։ Փողոցային ակտիվության բացակայությունը խոսում է ոչ թե հանրության հանդարտության կամ ընտրության արդյունքների հետ համակերպվելու, այլ քաղաքական ուժերի ռեսուրսների պակասի, հանրային հոգնածության և մարտավարական դադարի մասին։ 

Արդյունքում ձևավորվել է կայունության պատրանք, որտեղ հետընտրական ցնցումների բացակայությունը ոչ թե հարցերի վերջնական հանգուցալուծման, այլ քաղաքական դիմակայության «սառեցման» արդյունք է։