Սկանդալային հայտարարություն՝ Իսրայելից․ հզոր հարված կհասցվի Իրանին

Իսրայելի պաշտպանության նախարար Իսրայել Կացը հայտարարել է, որ Թել Ավիվը ռազմական հզոր հարված կհասցնի Իրանին, եթե Թեհրանը որոշի հարձակվել հրեական պետության վրա: Ըստ գերատեսչության տարածած հաղորդագրության՝ իսրայելական կողմի նման նախազգուշացումը պայմանավորված է Լիբանանում ընթացող ռազմական գործողություններով և «Հեզբոլլահ» շարժման դեմ ուղղված միջոցառումների շարունակությամբ։

Այս հայտարարությանը նախորդել էին հունիսին Իրանի կողմից Իսրայելի ուղղությամբ իրականացված հրթիռային հարվածները։ Թեհրանն այդ գործողությունները որակել էր որպես պատասխան Լիբանանի տարածքում իսրայելական բանակի ակտիվությանը։ Իսրայելի պաշտպանական գերատեսչության ղեկավարն ընդգծել է, որ նոր հարձակման դեպքում Թել Ավիվը ցույց կտա սեփական ռազմական կարողությունների տարբերությունը:

Միևնույն ժամանակ, տարածաշրջանային հակամարտության ֆոնին, ԱՄՆ նախագահ Դոնալդ Թրամփը և Իրանի փոխարտգործնախարար Քազեմ Ղարիբաբադին հաստատել են երկկողմ փոխըմբռնման հուշագրի շուրջ աշխատանքների ավարտը։ Փաստաթղթի պաշտոնական ստորագրումը նախատեսված է հունիսի 19-ին Շվեյցարիայում։

Իրանական կողմի փոխանցմամբ՝ սպասվող համաձայնագիրը ենթադրում է բոլոր ռազմական ճակատներում, այդ թվում՝ Լիբանանում, մարտական գործողությունների անհապաղ դադարեցում։