Սամվել Կարապետյանը պահանջ է ներկայացրել

Սամվել Կարապետյանը պահանջել է խորհրդարանական ընտրությունների երկրորդ փուլ: «Մենք դիմել ենք Կենտրոնական ընտրական հանձնաժողով, հետո կդիմենք Սահմանադրական դատարան երկու պահանջով՝ չեղարկել ընտրությունները և նշանակել երկրորդ փուլ։ Եթե Փաշինյանը վստահ է իր հաղթանակի մեջ, ապա երկրորդ փուլում մենք պետք է որոշենք՝ հաղթե՞լ է, թե՞ ոչ», - հայտարարել է «Ուժեղ Հայաստան» կուսակցության առաջնորդ, «Տաշիր Գրուպ» հոլդինգի նախագահ Սամվել Կարապետյանը։

Նա նշել է, որ ընտրություններն ամբողջությամբ տապալվել ու կեղծվել են՝ ընդգծելով. «Փաշինյանը չի հաղթել, մենք նույնպես չենք հաղթել»։Որպես առաջնահերթ խնդիր Կարապետյանը նշել է «Փաշինյանի հեռացումը»՝ կա՛մ խորհրդարանի միջոցով, կա՛մ փողոցային պայքարի օգնությամբ։ Նրա խոսքով՝ փողոցային պայքարում ընդդիմության միանձնյա առաջնորդ չի լինելու։