ՀՀԿ փոխնախագահ Արմեն Աշոտյանը կալանավորվեց

ՀՀԿ փոխնախագահ Արմեն Աշոտյանը կալանավորվեց մեկ ամսով:

Հիշեցնենք՝ պաշտոնեական լիազորությունները չարաշահելու, դրա օժանդակության, խմբի կողմից առանձնապես խոշոր չափերով փողերի լվացման և դրանց օժանդակության համար ՀՀ Քրեական օրենսգրքի համապատասխան հոդվածներով քրեական հետապնդում է հարուցվել 7 անձի՝ 2009-2016-ին ՀՀ կրթության և գիտության նախարարի պաշտոնը զբաղեցրած Արմեն Աշոտյանի, ՀՀ ֆինանսների նախարարի պաշտոնները զբաղեցրած Գագիկ Խաչատրյանի,  վերջինիս որդու՝ «Երևանի Վ. Բրյուսովի անվան պետական լեզվահասարակագիտական համալսարան» ՊՈԱԿ-ի նախկին պրոռեկտոր Արտյոմ Խաչատրյանի, ՊՈԱԿ-ի կառավարման խորհրդի նախկին նախագահ Վիգեն Սարգսյանի, նույն ՊՈԱԿ-ի նախկին ռեկտոր Գայանե Գասպարյանի, նախկին պրոռեկտոր Արթուր Այվազյանի, ինչպես նաև վերջիններիս հետ փոխկապակցված Հարություն Թադևոսյանի («Երևան-մոլ»-ի նախկին սեփականատեր) նկատմամբ:

 Արմեն Աշոտյանի փաստաբանը ծաղրելի է անվանել իր պաշտպանյալի նկատմամբ հարուցված քրեական հետապնդումը։

Տիգրան Աթանեսյանը լրագրողների հետ զրույցում նշել է, որ գործը քննվում է 2019 թվականից, և յոթ տարի շարունակ հանցակազմ չեն տեսել, սակայն հանկարծ մեկ օրում այն «հայտնաբերել» են։

«Նրան պետք է ոչ թե պատասխանատվության ենթարկեն, այլ մեդալ տան այն բանի համար, որ լուծել է բուհի խնդիրը, և միջոցները մուտքագրվել են բյուջե։ Այս գործով նա մինչև ամոթալի աստիճան անմեղ է»,– ասել է Աթանեսյանը։