11:00 Լուրերը մեկ տողով. Օդանավակայանի հրթիռակոծում. պատանդներ ԱՄՆ-ում

Անցած ժամվա լուրերը՝ հակիրճ և բովանդակային.

•Քննչական Կոմիտե. Հունիսի 2-ին Մասիսում տեղի ունեցած միջադեպի վերաբերյալ ստացվել է 2 հաղորդում, որոնց առթիվ նախաձեռնվել է քրեական վարույթ՝ մի խումբ անձանց կողմից ֆիզիկական ներգործության, խուլիգանության և քարոզչություն կատարելուն խոչընդոտելու հատկանիշներով:

•«Ուժեղ Հայաստան» կուսակցության անդամ Ալիկ Ալեքսանյանը կալանավորվել է երկու ամսով։ Այս մասին Auroranews-ին հայտնեցին ՀՀ Քննչական կոմիտեից։

•Կալիֆոռնիայում զինված տղամարդը բարիկադավորվել է բանկի շենքում, պատանդներ վերցրել և սպառնում է պայթեցնել այն:

•ԵՄ ռազմական աջակցություն. Հունգարիան հանել է իր վետոն Ուկրաինային 40 միլիարդ եվրոյի ռազմական օգնություն տրամադրելու որոշումից:

•Մոսկվայի արձագանքը Փարիզին. Ռուսաստանի արտաքին գործերի նախարարությունը քննադատել է Ֆրանսիայի նախագահի վերջին հայտարարությունները՝ դրանք անվանելով հակասական և ոչ ադեկվատ:

•ԱԹՍ-ների հարվածներ Ռուսաստանում. Ուկրաինական անօդաչու սարքերը գրոհել են Սանկտ Պետերբուրգի ենթակառուցվածքները, ինչի հետևանքով կան վնասներ և տուժածներ:

•Մերձավորարևելյան լարվածություն. Իրանի կողմից հասցված հարվածից հետո Քուվեյթի միջազգային օդանավակայանը ժամանակավորապես դադարեցրել է բոլոր թռիչքները:

•Հայ ֆուտբոլիստի տրանսֆեր. «Կրասնոդարի» գլխավոր մարզիչը հաստատել է, որ պատշաճ առաջարկի դեպքում ակումբը չի խոչընդոտի Հայաստանի հավաքականի առաջատարի տեղափոխությանը եվրոպական առաջնություն: