Թրամփը հերքել է Իրանի հետ բանակցությունների դադարեցման լուրը

ԱՄՆ նախագահ Դոնալդ Թրամփը հերքել է լրատվամիջոցներում տարածված այն տեղեկությունները, թե Վաշինգտոնն ու Թեհրանը դադարեցրել են բանակցությունները։

Նրա խոսքով՝ բանակցային գործընթացը շարունակվում է անընդհատ, և կողմերի միջև շփումները տեղի են ունենում ամեն օր։

«Կեղծ լուրերը հայտնում են, թե Իրանի Իսլամական Հանրապետությունն ու ԱՄՆ-ը մի քանի օր առաջ դադարեցրել են շփումները։ Սա սուտ է և սխալ։

Մեր բանակցությունները շարունակվում են անընդհատ՝ ներառյալ չորս օր առաջ, երեք օր առաջ, երկու օր առաջ, մեկ օր առաջ և այսօր։

Թե դրանք ինչ արդյունքի կհանգեցնեն, երբեք չգիտես, բայց ինչպես ասել եմ Իրանին՝ ժամանակն է, որ այս կամ այն կերպ գործարք կնքվի։ Դուք դրանով զբաղվում եք արդեն 47 տարի, և այլևս չի կարելի թույլ տալ, որ դա շարունակվի», – գրել է Թրամփը Truth Social սոցիալական ցանցում։