ԱՄՆ-ը հարվածներ է հասցրել Իրանի ռազմական օբյեկտներին՝ MQ-1 անօդաչուի խոցման պատասխանով

ԱՄՆ զինված ուժերը հարվածներ են հասցրել Իրանի Գորուկ շրջանի և Քեշմ կղզու ռադարային համակարգերին ու անօդաչու թռչող սարքերի կառավարման կետերին՝ ինքնապաշտպանության նպատակով։ Այս մասին X սոցիալական ցանցում հայտնել է ԱՄՆ Կենտրոնական հրամանատարությունը (CENTCOM)։

Հրամանատարության հաղորդագրության համաձայն՝ «խոհեմ և նպատակային» հարվածները իրականացվել են շաբաթ և կիրակի օրերին՝ ի պատասխան Իրանի ագրեսիվ գործողությունների, այդ թվում՝ միջազգային ջրերի վրա գործող ամերիկյան MQ-1 անօդաչու թռչող սարքի խոցման։

CENTCOM-ը նշել է, որ ամերիկյան կործանիչները արագորեն ոչնչացրել են Իրանի հակաօդային պաշտպանության միջոցները, ցամաքային կառավարման կետը և երկու հարվածային անօդաչու սարք, որոնք սպառնալիք էին ներկայացնում տարածաշրջանի ջրային տարածքներում նավարկող նավերի համար։

Հրամանատարության տվյալներով՝ ամերիկյան կողմը կորուստներ չի ունեցել։

ԱՄՆ զինվորականները հայտարարել են, որ շարունակելու են պաշտպանել երկրի շահերը՝ արձագանքելով «գործող հրադադարի պայմաններում Իրանի չարդարացված ագրեսիային»։