16:00 Լուրերը մեկ տողով. Փաշինյան-Պուտին ջերմ զրույցից մինչև Թրամփի սենսացիոն մակագրությունը Ալիևին

Անցած ժամվա լուրերը՝ հակիրճ և բովանդակային.

•Հայաստանի էկոնոմիկայի նախարարը հայտարարել է ռուսական կողմի հետ առևտրատնտեսական խնդիրների արագ կարգավորման և դեպի ԵՄ ու Մերձավոր Արևելք արտահանման ծավալների ընդլայնման ծրագրերի մասին։ Վարչապետ Նիկոլ Փաշինյանի և նախագահ Պուտինի միջև ջերմ զրույց է եղել, բոլոր հարցերը կլուծվեն,-նշել է Էկոնոմիկայի նախարարը:

•Հայաստանի երկրորդ նախագահ Ռոբերտ Քոչարյանը ռուսական լրատվամիջոցին տված հարցազրույցում անդրադարձել է խորհրդարանական ընդդիմության գործունեությանը և սպասվող ընտրություններում իր առաջնորդության հեռանկարներին։

•Ռուսաստանի Դաշնության խորհրդի ներկայացուցիչը հայտարարել է, որ Հայաստանը ԵՄ-ին անդամակցելուց առաջ պետք է հանրաքվե անցկացնի, և նման քայլը կարող է հանգեցնել ԵԱՏՄ-ում երկրի մասնակցության կասեցմանը։

•Ռուսաստանի իրավապահ մարմինները ազգային անվտանգությանը սպառնալու պատճառով զրկել են քաղաքացիությունից Կենտրոնական Ասիայի երկրներից եկած ութ անձանց, իսկ Պետդուման ընդլայնում է միգրանտների արտաքսման հիմքերը։

•ԱՄՆ նախագահ Դոնալդ Թրամփը երկարաձգել է Ադրբեջանի դեմ պատժամիջոցների սահմանափակման կասեցումը, ինչի կապակցությամբ Իլհամ Ալիևը երախտագիտություն է հայտնել անձնական մակագրությամբ հուշագրի համար։ Թրամփն Ալիևին է ուղարկել ամերիկյան պատժամիջոցների կասեցումը երկարաձգելու մասին հուշագիրը՝ մակագրելով. «Դուք հիասքանչ եք»։ 

•Բելառուսի պաշտպանության նախարարությունը հայտարարել է երկրի տարածքի նկատմամբ ՆԱՏՕ-ի անդամ պետությունների հետախուզական օդուժի տասնյակից ավելի թռիչքներ գրանցելու մասին։

•Ամերիկյան ՆԱՍԱ գործակալությունը պլանավորում է ակտիվորեն կիրառել անօդաչու թռչող սարքեր և արհեստական բանականության տեխնոլոգիաներ Լուսնի վրա բազա ստեղծելու նախագծի շրջանակներում։