Իսրայելական բանակը հրահանգ է ստացել Նեթանյահուի կողմից․ ինչ զարգացումներ է սպասվում

Իսրայելի վարչապետ Բենիամին Նեթանյահուն հրամայել է ընդլայնել Լիբանանում Իսրայելի պաշտպանության ուժերի (IDF) ցամաքային գործողությունը և ուժեղացնել վերահսկողությունը այն տարածքների նկատմամբ, որոնք նախկինում վերահսկվում էին լիբանանյան «Հեզբոլլահ» զինյալ խմբավորման կողմից։

«Ես հրահանգել եմ Իսրայելի պաշտպանության բանակին ընդլայնել իր զորավարժությունները Լիբանանում: Մեր ուժերը հատել են Լիտանի գետը և գրավել Բոֆորտ լեռնաշղթան: Եվ հիմա իմ հրամանն է խորացնել և ընդլայնել մեր վերահսկողությունը նախկինում «Հեզբոլլահի» կողմից վերահսկվող տարածքների նկատմամբ», - ասել է Նեթանյահուն:

Վարչապետի խոսքով՝ իսրայելական բանակը շարունակում է գործողությունները մի շարք տարածքներում՝ Սիրիայում, Լիբանանում և Գազայի հատվածում։

«Դա ժամանակ կպահանջի, բայց մենք կկատարենք խնդիրը», - նշել է Իսրայելի կառավարության ղեկավարը։