Սկանդալային հայտարարություն ԱՄՆ-ից՝ Իրանի դեմ ռազմական գործողությունները կվերսկսվեն

ԱՄՆ պաշտպանության նախարար Փիթ Հեգսեթը հայտարարել է, որ ամերիկյան զինուժը պատրաստ է վերսկսել հարձակումներն Իրանի ուղղությամբ, եթե կողմերին չհաջողվի հասնել Վաշինգտոնին ձեռնտու խաղաղության համաձայնագրի: Պենտագոնի ղեկավարի խոսքով՝ Միացյալ Նահանգներն ունի բավարար ռեսուրսներ ու սպառազինություն թե՛ տարածաշրջանում, թե՛ ամբողջ աշխարհում՝ մարտական գործողությունները վերսկսելու համար, եթե Թեհրանը չհամաձայնի միջուկային զենքի բացառումը երաշխավորող գործարքին:

Այս հայտարարությունը հնչում է երկու երկրների միջև ընթացող բանակցությունների ֆոնին, որոնց նպատակն է հարթել առկա տարաձայնությունները: ԱՄՆ նախագահ Դոնալդ Թրամփը հայտնել է, որ Սպիտակ տանը հանդիպում է ունենալու իր թիմի հետ՝ այս հարցով վերջնական որոշում կայացնելու նպատակով:

Դոնալդ Թրամփը Truth Social հարթակում ներկայացրել է նաև Վաշինգտոնի հիմնական պահանջները: Ըստ այդմ՝ Իրանը պետք է հրաժարվի միջուկային զենք ունենալու գաղափարից, իսկ Հորմուզի նեղուցը պետք է անհապաղ և անվճար բացվի միջազգային նավագնացության համար: Բացի այդ, Թեհրանը սեփական ուժերով պետք է մաքրի նեղուցում տեղադրված ծովային ականները, ինչից հետո ամերիկյան կողմը կվերացնի իրականացվող ծովային շրջափակումը:

Ամերիկյան ծրագրի համաձայն՝ ԱՄՆ-ն մտադիր է ԱԷՄԳ-ի և Իրանի հետ համատեղ դուրս բերել ու ոչնչացնել հաստատված հարվածների հետևանքով ավերված ստորգետնյա օբյեկտների միջուկային նյութերը: Միևնույն ժամանակ հստակեցվել է, որ մինչև հատուկ կարգադրություն Իրանին որևէ ֆինանսական միջոց կամ սառեցված ակտիվ չի  փոխանցվելու։