Միջուկային գործարքը վտանգվա՞ծ է․ Իրանից դիմել են ԱՄՆ-ին

Իրանի և ԱՄՆ-ի միջև վերջնական համաձայնագրի ձեռքբերումը կախված է նրանից, թե արդյոք Վաշինգտոնը կհրաժարվի չափազանցված պահանջներից և հակասական գործողություններից։ Այդ մասին հայտարարել է Իրանի արտգործնախարար Աբբաս Արաղչին։

«Դիվանագիտական գործընթացի վերաբերյալ պարզաբանումներ ներկայացնելով՝ նախարարը նշել է, որ վերջնական համաձայնության հասնելը կախված է ԱՄՆ-ի կողմից չափազանց պահանջատիրական մոտեցումից հրաժարվելուց և հակասական դիրքորոշումների դադարեցումից»,- ասվում է Իրանի ԱԳՆ հայտարարության մեջ, որը մեկնաբանել է Օմանի ԱԳ նախարար Բադր ալ-Բուսաիդիի հետ հեռախոսազրույցը։

ԱՄՆ նախագահ Դոնալդ Թրամփն իր հերթին հայտարարել է, որ Թեհրանի հետ իրանական միջուկային ծրագրի և  Հորմուզի նեղուցի բացման վերաբերյալ հիմնական հարցերը դեռևս լուծված չեն, թեև մյուս՝ պակաս կարևոր կետերի շուրջ կողմերը արդեն համաձայնության են եկել։