17:00 Լուրերը մեկ տողով. Աղմկահարույց ձերբակալություններ. դատական սկանդալ Գյումրիում

Անցած ժամվա լուրերը՝ հակիրճ և բովանդակային.

•Միացյալ Նահանգները և Հայաստանը նախաստորագրել են «Թրամփի ուղի» շրջանակային համաձայնագիրը, ինչպես նաև ստորագրել ռազմավարական գործընկերության խարտիա ու կարևորագույն հանածոների վերաբերյալ հուշագիր: ԱՄՆ Պետքարտուղարության հայտարարությունը: 

•ՀՀ երկրորդ նախագահ Ռոբերտ Քոչարյանը հայտարարել է, որ ամերիկյան TRIPP նախագիծը ոչինչ չի տալու Հայաստանին և կարող է լրջագույն խնդիրներ առաջացնել Իրանի հետ հարաբերություններում:

•Հակակոռուպցիոն կոմիտեն քրեական վարույթ է նախաձեռնել և անձանց ձերբակալել՝ «Բարգավաճ Հայաստան» կուսակցության Վանաձորի գրասենյակի կողմից ընտրակաշառք տալու դեպքի առթիվ:

•Գյումրու նախկին քաղաքապետ Վարդան Ղուկասյանի գործով դատական նիստն ավարտվել է լարված մթնոլորտում, որտեղ քաշքշուկ է տեղի ունեցել նրա և ոստիկանների միջև:

•UFC-ի չեմպիոն Իլիա Թոփուրիան կոշտ է արձագանքել Արման Ծառուկյանի հետ հնարավոր մենամարտին՝ վստահություն հայտնելով, որ օկտագոնում հեշտությամբ կհաղթի նրան:

•Իսրայելի պաշտպանության բանակը մեկ օրվա ընթացքում հարվածներ է հասցրել «Հեզբոլլահ» խմբավորման 150 ռազմական օբյեկտների Լիբանանի հարավային և արևելյան շրջաններում:

•Գերմանիայի նախկին կանցլեր Անգելա Մերկելը հույս է հայտնել, որ ուկրաինական հակամարտությունը տասը տարվա ընթացքում կավարտվի և Ուկրաինան կլինի ազատ ու ինքնիշխան:

•Եվրամիության դիվանագիտության ղեկավար Կայա Կալասը հայտարարել է, որ Ռուսաստանին կարող է անհրաժեշտ լինել ՆԱՏՕ-ի հետ էսկալացիա՝ սեփական երկրում նոր մոբիլիզացիան արդարացնելու համար: