16:00 Լուրերը մեկ տողով. ՊՆ-ի հրատապ հերքումը. Մոսկվայի ուղերձը Երևանին

Անցած ժամվա լուրերը՝ հակիրճ և բովանդակային.

•Հայաստանի պաշտպանության նախարարությունը հերքել է մարզային ճանապարհների փակվելու մասին կեղծ լուրերը և տեղեկացրել, որ Հանրապետության օրվան նվիրված զորահանդեսի ընթացքում հնչելու են թնդանոթի կրակոցներ:

•Վարչապետ Նիկոլ Փաշինյանը քարոզարշավի ժամանակ անդրադարձել է երկրում հաստատված խաղաղությանը և փարատել Սյունիքի անջատման վերաբերյալ պատմական մտավախությունները:

•Ընդդիմադիր գործիչ Գագիկ Ծառուկյանը քննադատել է իշխանությունների վարած քաղաքականությունը՝ պահանջելով ներկայացնել խաղաղության հստակ և ստորագրված փաստաթուղթ:

•Ռուսաստանի նախագահի մամուլի քարտուղար Դմիտրի Պեսկովը, մեկնաբանելով Հայաստանի եվրաինտեգրման ծրագրերը, հայտարարել է, որ Եվրամիության անդամակցությունը շատ երկրների համար մնում է անիրականանալի երազանք:

•ՌԴ փոխվարչապետ Ալեքսեյ Օվերչուկը հայտնել է, որ Հայաստանը չի պատրաստվում դուրս գալ Եվրասիական տնտեսական միությունից, քանի որ հստակ գիտակցում է կառույցի տված տնտեսական արտոնություններն ու օգուտները:

•Արցախի նախկին պաշտոնյա Դավիթ Իշխանյանն իր ուղերձում տեղեկացրել է, որ Բաքվի դատարանում բողոքարկման գործով հաջորդ նիստը նշանակվել է հուլիսի 2-ին, թեև կողմերին դեռ չի տրամադրվել դատավճռի ամբողջական տեքստը: