ԱՄՆ–ն հարվածել է Իրանին. Ռուբիոն զգուշացում է արել

ԱՄՆ ԶՈւ-ն հարվածներ է հասցրել Իրանի հարավում գտնվող հրթիռային արձակման հարթակներին և նավակներին

Այս մասին հայտնել է Fox News-ը, իսկ ավելի ուշ տեղեկությունը հաստատել է ԱՄՆ պետքարտուղար Մարկո Ռուբիոն, որը այսօր պատրաստվում է այց կատարել Հայաստան։ «Նեղուցները պետք է բաց լինեն, և դրանք այս կամ այն կերպ բաց կլինեն»,- Reuters-ի փոխանցմամբ՝ հայտարարել է նա։

Հարվածները հասցվել են Կատարում ընթացող բանակցությունների ֆոնին։ Ռուբիոն նշել է, որ կողմերը ճշգրտում են խաղաղության համաձայնագրի նախնական նախագծի ձևակերպումները։ Քաղաքական գործչի խոսքով՝ այդ գործընթացը կարող է տևել մի քանի օր։