Միրզոյանը՝ 300 հազար ադրբեջանցիների հետ վերադարձի մասին

«Արևմտյան Ադրբեջանի» մասին հռետորաբանությունը չի տեղավորվում խաղաղության օրակարգում։ Այս մասին լրագրողների հետ զրույցում հայտարարել է Հայաստանի արտաքին գործերի նախարար Արարատ Միրզոյանը։

Նրա խոսքով՝ այդ հռետորաբանությունը չի տեղավորվում նաև հայ-ադրբեջանական պայմանավորվածությունների շրջանակում։

Միրզոյանը հերթական անգամ անհեթեթ է անվանել այն հայտարարությունները, թե Հայաստանում պատրաստվում են 300 հազար ադրբեջանցի բնակեցնել։ 

Հիշեցնենք՝ ավելի վաղ «Ուժեղ Հայաստան» կուսակցության վարչապետի թեկնածու Սամվել Կարապետյանը հայտարարել էր․ «Եթե մենք չկարողանանք կանգնեցնել Փաշինյանի ու Ալիևի պլանավորած 300 հազար ադրբեջանցիների մուտքը Հայաստան, կստացվի, որ մեր բոլոր տնտեսական ծրագրերն անիրագործելի են լինելու»։