Դա սցենարի մի մասն է․ Ռուսաստանի չարագուշակ ուղերձը՝ Արևմուտքին

Ռուսական «Օրեշնիկ» հրթիռը դարձել է Արևմուտքի վրա քաղաքական ճնշման գործիք, գրում է իտալական «Իլ Մեսագգերո»-ն։

«Ամեն անգամ, երբ այս հրթիռն օգտագործվում է, դրա ուղերձը տարածվում է Ուկրաինայի հակամարտությունից շատ ավելի հեռու։ Եվրոպական շատ կառավարությունների համար «Օրեշնիկը» նաև քաղաքական ճնշման գործիք է ներկայացնում, մի տեսակ նախազգուշացում՝ ուղղված անմիջապես Արևմուտքին», - նշվում է հոդվածում։

Հեղինակի խոսքով՝ երեկ կատարված հարվածը ցույց է տալիս, որ հրթիռը դադարել է լինել սովորական նախատիպ կամ զսպման հնարավոր միջոց, այլ դարձել է ներկայիս հակամարտության սցենարի մի մասը և օգտագործվում է որպես Արևմուտքին ուղղված ուղիղ ազդանշան։

Հիշեցնենք՝ շաբաթ-կիրակի գիշերը ռուսական բանակը «Օրեշնիկ», «Կինժալ», «Իսկանդեր» և «Ցիրկոն» հրթիռներով հարվածել է ուկրաինական ռազմական օբյեկտներին։ ՌԴ Պաշտպանության նախարարությունը ընդգծել է, որ քաղաքացիական ենթակառուցվածքների վրա հարձակումները պլանավորված չեն եղել։