Բաքվից աղմկահարույց հայտարարություն Հայաստանի մասին․ եթե սա լիներ Ադրբեջանում, աշխարհը կպայթեր

Եթե նման բան տեղի ունենար Ադրբեջանում ընտրություններից առաջ, հիմա արդեն միջազգային իրավապաշտպան հանրությունը կխփեր բոլոր զանգերը, Եվրախորհրդարանը կընդուներ հերթական բանաձևը, Եվրոպայի խորհուրդը շտապ հատուկ զեկուցող կգործուղեր, օտարերկրյա դեսպանատները հրատապ մամլո հաղորդագրություններ կթողարկեին, նման լայնածավալ նախընտրական բռնաճնշումներ տասնյակ մարդկանց ձերբակալություններով, տասնյակ քրեական գործերով ու խուզարկություններով, Ադրբեջանում երբեք չեն եղել։ Բայց նույնիսկ ամենափոքր միջադեպի ժամանակ լիբերալ-դեմոկրատական հավաքույթը տպավորիչ հիստերիա առաջացրեց: Բայց հիմա այդ ամենը տեղի է ունենում Հայաստանում, իսկ միջազգային արձագանք պարզապես չկա։ Այս մասին գրում է ադրբեջանական լրատվամիջոցն, ուշադրության կենտոնում պահելով, ՀՀ ընտրությունները և Եվրոպայի արձագանքը։

Human Rights Watch-ի նախկին ղեկավար Քենեթ Ռոթը նախազգուշացրել է, Հայաստանի վարչապետի անվերապահ աջակցությունն ամերիկացիների ու եվրոպացիների կողմից միայն խորացնում է իրավիճակը. արևմտյան երկրների ղեկավարությունը փաստացի պաշտպանում է ոչ թե ժողովրդավարական ընթացակարգերը, այլ կոնկրետ քաղաքական արդյունքը ՝ իշխանության մեջ հարմար արեւմտամետ քաղաքական գործչի պահպանումը։

Հայաստանում ընդդիմությունն էլ, ուղիղ ասած, հրեշտակներ չեն։ Սա նույն ռևանշիստական ճամբարն է։  

Այդուհանդերձ, 2008թ. նախագահական ընտրություններում, երբ Ռոբերտ Քոչարյանի գլխավորությամբ Սերժ Սարգսյանը հաղթանակ էր տոնում, արևմտյան քաղաքական ինստիտուտների, այդ թվում Եվրախորհրդարանը և ԵԽԽՎ դիտորդները չնկատեցին ընտրակաշառք տալու դեպքերը։  Պատշաճ արձագանք չեղավ անգամ 2008թ. մարտի 1-ի գիշերը ընտրակեղծիքների դեմ բողոքի ցույցի հետևանքներին։  

Եվրոպական «ժողովրդավարության պաշտպանները» գործել են հետևյալ սխեմայով՝ կարևոր չէ, թե ինչ է կատարվում փողոցներում ՝ Հայաստանը ժողովրդավարական է, Ադրբեջանը՝ ոչ։  Նույն քաղաքականությունն այսօր էլ շարունակվում է։