Բոլոր սցենարները հաշվարկված են․ Պապոյանը՝ Ռուսաստանից ցորեն և գազ ներմուծելու մասին

Ռուսական կողմի հետ դժվարություններ չեն լինի՝ օրինակ, ցորենի ներմուծման կամ գազի հետ կապված, Կառավարության նիստից հետո լրագրողների  հետ ճեպազրույցում վստահեցրեԼ Է Էկոնոմիկայի նախարար Գևորգ Պապոյանը:

Նախարարը պնդել Է, որ հնարավոր բացասական սցենարի դեպքում բոլոր մեխանիզմները մշակված են:

«Ընդհանուր առմամբ, քաղաքական այն փոփոխությունները, որոնք մենք արել ենք վերջին տարիներին, այդ թվում` սահմանի բացումը, ունեցել են դրական ազդեցություններ։ Օրինակ` աշխարհում բենզինի գները 2–3 անգամ բարձրացել են, մինչդեռ Հայաստանում ավելացել է ընդամենը մի քանի տոկոս»,- նշել է նա:

Պապոյանը շեշտել է, որ  կառավարությունը դիվերսիֆիկացիա պետք է անի ցորենի ու մյուս ապրանքների դեպքում, որպեսզի որևէ մեկից Հայաստանը կախում չունենա ու կարողանա ազատ մանևրել։

«Մեր և ՌԴ-ի հարաբերություններն իրականում շատ լավ են, գործընկերային են: Առանձին հարցերի շուրջ մամուլում կան որոշակի լարվածություններ, այսպես ձևակերպեմ, ավելի հեռու են այն իրականից, որը կա: Կարծում եմ՝ այնուամենայնիվ, այդ լարվածությունների վերջին օրը կլինի հունիսի 7-ը: Հունիսի 8-ին՝ ժողովրդի հաղթանակից հետո, ամեն ինչ լինելու է իդեալական, և ռուսական կողմն էլ է նշել, որ շատ լավ աշխատելու է մեր հետ: Դրա մասին ամենաբարձր մակարդակով հայտարարվել է, այնպես որ՝ ամեն ինչ լավ է լինելու»,-ասել է Էկոնոմիկայի նախարարը: