Մենք չենք բարեկամանում որևէ մեկի հետ․ Պուտինի կոշտ հայտարարությունը

ՌԴ նախագահ Վլադիմիր Պուտինը հայտարարել է, որ Ռուսաստանի և Չինաստանի գործընկերությունն ուղղված չէ որևէ կողմի դեմ, այլ ծառայում է համաշխարհային խաղաղությանն ու բարգավաճմանը, գրում է «ՏԱՍՍ»-ը։

«Մենք չենք բարեկամանում որևէ մեկի հետ կամ դեմ, այլ աշխատում ենք հանուն խաղաղության և համընդհանուր բարգավաճման գործի։ Հենց այսպիսի տրամաբանությամբ են Մոսկվան և Պեկինը համակարգված կերպով հանդես գալիս ի պաշտպանություն միջազգային իրավունքի և ՄԱԿ-ի Կանոնադրության դրույթների՝ դրանց ողջ լիությամբ, համակցությամբ ու փոխկապակցվածությամբ, աջակցում են ակտիվ փոխգործակցությանը ՄԱԿ-ի, Շանհայի համագործակցության կազմակերպության (ՇՀԿ), BRICS-ի և այլ բազմակողմ կառույցների գծով՝ ծանրակշիռ ավանդ ներդնելով համաշխարհային և տարածաշրջանային հրատապ խնդիրների լուծման գործում»,- ասել է պետության ղեկավարը։ 

ՌԴ նախագահի գնահատմամբ՝ նշված ձևաչափերում իրականացվող համատեղ աշխատանքը նշանակալի ազդեցություն ունի տարածաշրջանային ու գլոբալ արդի խնդիրների լուծման հարցում: